မိခင်နဲ့ဝေးမှ မိဘမေတ္တာ ဘယ်လောက် ကြီးမားသလဲဆိုတာ ပိုနားလည်လာတယ် အစ်ကိုတွေ မောင်တွေနဲ့ဝေးမှ သူတို့ကို ပိုတမ်းတမိတယ်..တကယ့် တကယ်တော့လည်း လောကမှာ ကိုယ့်ကို ဘယ်လောက်ပဲ ချစ်ပါတယ်လို့ ပြောနေကြတဲ့ သူတွေရှိနေပေမယ့်..မိသားစုမှာရှိတဲ့ မိခင် ဖခင် ညီအစ်ကိုမောင်နှစ်မတွေရဲ့ အချစ်ကို ဘယ်သူကမှ မမှီနိုင်ပါလားဆိုတာ တွေးနေမိတယ်..
ကျွန်မအတွေးထဲ ရှိနေပါသေးတယ်..ကျွန်မကို ဘုရားသခင်က ကျောင်းတက်ခွင့်ပေးလို့ တခြားနေရာတစ်ခုမှာ သွားရတော့မယ့်အချိန် အနီးဆုံးမှာရှိပြီး အရာအားလုံးကို သူတို့ရှိသမျှ ခွန်အားလေးနဲ့ ဖေးမကူညီပေးတာ မိသားစုပါပဲ.အစ်ကိုတွေ မောင်တွေပေးတဲ့ ပိုက်ဆံလေးတွေကို စုပြီး ကျွန်မကြည့်တဲ့အခါ အရမ်း မျက်ရည် ကျမိတယ်. .အရမ်းကြီးမဆင်းရဲပေမယ့် သူတို့ ရှာထားတဲ့ ပိုက်ဆံတွေက သူတို့ချွေးနဲ့ရတဲ့ လုပ်အား ခလေးတွေပါ ..စိတ်ထဲက ကောင်းကြီးပေးနေမိပါတယ်..သူတို့တွေအားလုံး ကျမ်းမာချမ်းသာစွာနဲ့ ဘုရားကို အားကိုးပြီး ဘဝကိုဖြတ်သန်းနိုင်ကြပါစေနော်..
ဘုရားသခင်က သူ့မေတ္တာကို ပိုသဘောပေါက်နားလည်ဖို့ လောကကြီးမှာ လူသားအချင်းချင်း ချစ်ခြင်းမေတ္တာကို အဓိပ္ပါယ်အမျိုးမျိုးနဲ့ အသုံးပြုခွင့်ပေးထားတယ်..ချစ်ခြင်းမေတ္တာကို ပိုအသုံးပြုလေလေ အမြင့်ဆုံးသော ဘုရားရဲ့မေတ္တာကို ပိုနားလည်လေလေပါပဲ..
အမေက စကားတခွန်း ကျွန်မအတွက်လက်ဆောင်ပေးလိုက်တယ်. "သမီးရေတဲ့. .ဘာမဆို ရင်ဆိုင်ကျော်ဖြတ်ပါတဲ့ အမေက နေ့စဉ်ဆုတောင်းပြီး သမီးနောက်မှာ အမြဲရပ်တည်နေတယ်တဲ့" အမေ့ရဲ့ စကားတစ်ခွန်းလေးနဲ့တင် ကြုံသမျှကို နေ့စဉ်ဖြတ်သန်းဖို့ရန် အရမ်းကိုသတ္တိတွေရှိနေရပါပြီ အမေက သူ့ခွန်အားနဲ့ ကျွန်မကို အားပေးနေတာမဟုတ်ဘူးလေ သူကိုးကွယ်တဲ့ဘုရားက ဘယ်လောက် အထိမေတ္တာကြီးသလဲ ကာကွယ်စောင့်ရှောက်အားပေးနိုင်သလဲဆိုတာ သူသိနေတဲ့အတွက် သူ့ရဲ့မိခင်စိတ်ကို အကြွင်းမဲ့သုံးပြီး အကြွင်းမဲ့ပဲ သူ့အသွေးအသားထဲက မွေးဖွားလာတဲ့ သူ့သမီးဖြစ်သူ ကျွန်မအတွက် ဆုတောင်းပေးနေတာပါ..မိခင်တစ်ယောက်ရဲ့ ဆုတောင်းသံကြောင့် ကျွန်မနေ့စဉ် ဘုရားသခင်နဲ့နီးခွင့်ရတော့မယ်..ကျေးဇူးတင်တယ်..မေမေရယ်..ဆက်လက်ပြီးသမီးကို နေ့စဉ် ဘုရားလက်ထဲအပ်နှံပေးဖို့ ..ဆက်ပြီး အသက်ရှင်ပေးပါအုံးနော်...
လုပ်ငန်းခွင်မှာ လုပ်ငန်းကျွမ်းကျင်ဖို့ ၂ နှစ်လောက်ပေးဆပ်ခဲ့ရတယ်..လူတွေနဲ့အဆင်ပြေဖို့ နိမ့်ချခြင်းတွေ မေတ္တာတွေ အသုံးပြုခဲ့ရတယ်..အဲလိုအသုံးပြုခဲ့ရလို့ နာကျင်ခြင်း၊ ဝမ်းမြောက်ခြင်းတွေ အလှည့်ကျခံစားခဲ့ရတယ်.ဒေါသထွက်တဲ့အခါ ဒေါသရဲ့ ရလဒ်ကိုခံစားခဲ့ရသလို..စိတ်ရှည်သည်းခံတဲ့အခါ စိတ်ရှည်ခြင်းရဲ့ ရလဒ်ကိုခံစားခဲ့ရပါတယ်..အလုပ်လုပ်တဲ့အချိန် တစ်ခုလေး သုံးသပ်မြင်တွေ့မိတာက လူတိုင်းလူတိုင်းက ချစ်ခြင်းမေတ္တာကို အရမ်းလိုချင်ကြတာ သွားတွေ့ရတယ် ..ကိုယ့်အပေါ် သူတစ်ပါး နားလည်တာ လိုချင်တယ်..ခွင့်လွတ်တာလိုချင်တယ် ဖေးမတာလိုချင်တယ်.. သူတစ်ပါး ဂရုစိုက်တာကိုမျှော်လင့်ကြတယ်..လူတွေက ကိုယ့်ကို ဂရုမစိုက်. အရေး မလုပ်တော့ဘူး ဆိုရင် ဒေါသထွက်တယ် ပေါက်ကွဲတယ်..ဝမ်းနည်းကြတယ်..လူလူချင်း လိုအပ်နေတဲ့ အရာတွေ ကို ပေးနိုင်ဖို့ဆိုတာ ကိုယ့်မှာရှိတဲ့ မေတ္တာနဲ့မှမရတာ..ကိုယ့်မှာရှိတဲ့ စေတနာတို့ မေတ္တာတို့ဆိုတာက အခြေအနေပေါ်မူတည်ပြီး အတက်အကျနဲ့ အမြဲတမ်းပြောင်းလဲနေတတ်တာလေ..ဒါကြောင့် သူတစ်ပါးကို စာနာနားလည်ပြီး အမြဲဖေးမနေဖို့အတွက် ဘုရားသခင်ရဲ့ မေတ္တာကို မတောင်းလို့မရဘူး ..ဘုရားပေးတဲ့ မေတ္တာကိုအသုံးပြုမှသာ..မိမိပါတ်ဝန်းကျင်မှာရှိတဲ့ မိမိနဲ့ အသွင်ခြင်းမတူတဲ့ သူတွေနဲ့ အဆင်ပြေ ချောမွေ့စွာ ပေါင်းသင်း ဆက်ဆံနိုင်မှာပါ..
တစ်ခါတစ်ရံ ဘဝမှာ ကိုယ်ဖြစ်ချင်တာတွေ ကိုယ်လိုချင်တာတွေကို ဆုံးရှုံးသွားတတ်တဲ့ အချိန်တွေရှိသလို ကိုယ်မျှော်လင့်တာတွေ မဖြစ်လာတဲ့ အချိန်လည်းရှိတတ်တယ် ရာထူးတွေ နေ့စဉ်ပုံမှန်ရတဲ့ ဝင်ငွေတွေ..နေ့စဉ်နွေးနွေးထွေးထွေးနေပေးတတ်တဲ့ မိသားစုတွေ၊ အရာတစ်ခုခုကို ရှာဖွေးရင်း ရှာဖွေးရင်း မောပန်းနွမ်းနယ်သွားခဲ့တဲ့ အချိန်တွေတွေ့ကြုံလာရတတ်ပါတယ်..
ဘာဆိုဘာမှ ဘဝအာမခံချက်မရှိတော့တဲ့အခါ..ချစ်ခင်သူတွေနဲ့ အဝေးဆုံးကိုရောက်သွားတဲ့အခါ..ခိုလှုံစရာ အရိပ်မရှိတော့တဲ့အခါ..ဘဝကိုစိန်ခေါ်ဖို့ ကိုယ့်မှာအင်အားမရှိတော့တဲ့အခါ..........
စက္ကန့်တိုင်း..မိနစ်တိုင်း..နာရီတိုင်း. ထာဝရအသက်ရှင်တဲ့ဘုရားနဲ့ နီးခွင့်ရတယ်..
မိဘမေတ္တာကိုစဉ်းစားတိုင်း..အစ်ကိုမောင်တွေမေတ္တာကိုတမ်းတတိုင်း..အကာအကွယ်မဲ့တိုင်း..ဘာဆိုဘာမှအင်အားမရှိတော့တဲ့အခါ..ရာထူး ငွေ..ဂုဏ်ဒြပ်တွေကိုထားခဲ့ရတဲ့အခါ...ထာဝရအသက်ရှင်တဲ့ဘုရားရဲ့မေတ္တာကို ပိုနားလည်လာတယ်..
လင်းသစ္စာခိုင်ဦး
No comments:
Post a Comment